Resubelpara Block Trinamool-ko songa Congress Committee

Resubelpara: Re baenggipa mikkang bilsi election 2023-na party-ko bilakatna re mikkanganio Sonibar salo Rongrong MDC Rinaldo K Sangma-ni noko tom e chachirimanganiko dakangaha aro ua tom anion Resubelpara Block Trinamool Congress Committee-o songaha.
Tom anio chadamberangni dilgipa aro West Garo Hills Dadenggre-oni constituency chakatna sikgipa election Rupa Marak, supporter of sak ritcha-rang baksa bak ra angtokaha.
Uandake tom anio, mikkang bilsi election 2023-o Resubelpara-oni AITC-na a bachengaoni ba ongipa gadangoni kam ka nagiparangko seokangaha.
Pildash Marak aro Sengjrang Sangmamangko president aro secretary post-na seokaha. Bristine Marak-ko current president aro Kalseng Marak-ko organizing secretary-na seokangskaha.
“Congress supporter Gitcham-rangni tom anio bak ra anian party chingni-ni bilakaniko mesoka. Iamang changsao Congress-ni top dilgiparang ong tokachim, uni gimin Resubelpara-o AITC-o bilakatna chinga ka dongsoa ine Rinaldo aganaha.
Indake AITC-ni dilgipa Mukul Sangma-koba North Garo Hills, mongsongbate constituency Resubelpara-ona AITC-ko bilakatna re dilenganina mittelataha.
“Constituencies NGH-oni dambri-an mikkang bilsi election 2023-o Mukul Sangma-ko bilakatgen ine ka donganikoba parakangaha.”
Iarangni gisepo Rupa Marak, “Conrad Sangma-ni dilenggipa sorkariko sima arini bidingo a dokni manderangko dilsretenga ine matnangaha.
“Assam baksa simani bidingo MoU se ka gipani bidingo an ching Garo Hills-ni manderang apsan ong e kam ka na nanggen ineba agandapaha.

Comments are closed.